Mələkxanım Eyubovadan həyat yoldaşı ilə bağlı etiraf

Xalq artisti Mələkxanım Əyyubova həyat yoldaşı, keçmiş polis polkovniki Xosrov Nəcəfovdan danışıb.

Bizim.Media xəbər verir ki, xanəndə "İncə səhər" verilişində həyat yoldaşının uşaqlıqdan polis peşəsinə böyük həvəsi olduğunu bildirib.

O qeyd edib ki, bir-birilərinə hər zaman anlayışla yanaşıblar:

"Uzaq qohumumuz idi. Uşaqlıqdan görürdüm ki, polis olmaq eşqi ilə yaşayır. Əmiləri də polis idi. Bütün şəkillərini polis formasında çəkdirərdi. Böyük əziyyətlə çalışaraq polkovnik rütbəsinə qədər yüksəldi. Mən çox vaxt sənətimə görə evdə olmurdum. O, məndən çox evdə olurdu. Amma düşünürəm ki, insan ailəsinə bağlıdırsa, vicdanlı və məsuliyyətlidirsə, istər gecə-gündüz işdə olsun, fikri də, düşüncəsi də evində olacaq.
 

İstər yoldaşım, istərsə də mən vətən üçün belə övladlar yetişdirmişik. Sənətimlə yox, məhz övlad böyütməklə fəxr edirəm. Evdə olmamaqlar, çəkilən əziyyətlər... Bütün bunların təməlində ailə dayanır. Bu gün bütün polis əməkdaşlarını peşə bayramları münasibətilə təbrik edirəm. Xosrov müəllimə də can sağlığı arzulayıram".

Qeyd edək ki, cütlüyün 4 övladı var. (Axşam.az)

Bizim.Media