İran Küveytdə ABŞ-nin vertolyot hazırlıq mərkəzinə zərbə endirdi

İran Silahlı Qüvvələri Küveytdəki ABŞ obyektlərinə zərbə endirib.

Bizim.Media xəbər verir ki, bu barədə informasiyanı İranın dövlət teleradio şirkəti IRIB yayıb.

Hücumun hədəfi ABŞ-nin Küveytdə yerləşən Əl-Ədiri hərbi bazasındakı Boeing CH-47 Chinook vertolyotlarının hazırlıq mərkəzi, eləcə də avadanlıqların saxlandığı anqar olub.

Mənbənin bildirdiyinə görə, obyekt ballistik raketlər və pilotsuz uçuş aparatlarının tətbiqi ilə kombinə edilmiş zərbəyə məruz qalıb.

Təlim mərkəzi ilə yanaşı, vertolyotlar üçün texnika və komplekt hissələrin saxlandığı anqar da vurulub.

Öz növbəsində, İran İslam İnqilabı Keşikçiləri Korpusunun mətbuat xidməti “Doğru vəd-4” əməliyyatının 94-cü dalğasının keçirildiyini açıqlayıb.

Qeyd olunub ki, bu mərhələ çərçivəsində İsrail ordusunun Dimona, Negev, Beer-Şeva və Ramat-Qan bölgələrində yerləşən hərbi-sənaye obyektləri, komandanlıq məntəqələri və bölmələrinin yerləşdiyi məkanlar da hədəfə alınıb.

Bizim.Media