32 il ərzində kimsəsiz bir adada təkbaşına yaşadı

“İtalyan Robinson Crusoe” kimi tanınan Mauro Morandi, müasir dünyanın səs-küyündən uzaqlaşıb təbii mühitdə tək yaşamağı seçən sıra dışı şəxs idi.

Bizim.Media xəbər verir ki, 1989-cu ildə kiçik bir qayıqla səyahətə çıxan Morandi, təsadüf nəticəsində Budelli Adasına çatdı.

Adanın gözəlliyindən təsirlənərək burada qalmağa qərar verdi və qısa müddət sonra adanın mühafizəçisi oldu.
 

Morandi 30 ildən çox adada tək yaşadı; təbiəti qorudu və gələn ziyarətçilərə adanın nadir təbii quruluşunu izah etdi. Lakin 2021-ci ildə İtalyan hakimiyyətləri, Sardiniya sahillərindəki bu xüsusi ərazinin daha ciddi qorunması lazım olduğunu bildirərək Morandinin adada qalmasına icazə vermədi.

İllər sonra adadan ayrılmaq məcburiyyətində qalan Morandi, Sardiniyada kiçik bir şəhərciyə köçdü. 3 yanvar 2025-də, 85 yaşında vəfat etdi.

Onun Budelli adasında tək, lakin sakit həyat tərzi bu gün də müasir dünyadan qaçışın və təbiətlə bağ qurmağın güclü simvolu kimi xatırlanır. (Ölkə.az)

Bizim.Media