Bakıda binanın həyətindən maşın oğurlandı, radara düşdü – VİDEO

Bakı şəhəri, Nərimanov rayonunda VAZ-2107 avtomobili oğurlanıb.

Bizim.Media xəbər verir ki, bu barədə Oxu.az-a müraciət daxil olub.
 

Müraciətdə qeyd olunub ki, hadisə fevralın 4-də Nəcəf Nərimanov küçəsi, 3 ünvanındakı binanın qarşısında baş verib. Belə ki, avtomobil sahibi binadan aşağı düşərkən maşının yerində olmadığını görüb. Daha sonra cərimə bildirişini yoxlayan şəxs avtomobilin sürət həddini aşaraq 60 km/saatlıq yolda 70-75 km/saat sürətlə hərəkət etdiyini müəyyənləşdirib.

Faktla bağlı "102" xidmətinə məlumat verilib.

Şikayətçi qeyd edib ki, 99-VL-710 dövlət nömrə nişanlı maşının sahibi Mübariz Qasımovdur, avtomobil Mehriban Qasımovanın adına rəsmiləşdirilib:

"Avtomobilin salonunda şəxsiyyət vəsiqələri və bank kartları var idi. Avtomobil sonuncu dəfə DYP-nin Saray postu ərazisində görülüb. Hadisə ilə bağlı radara düşən görüntülər də mövcuddur. Görüntülərdə avtomobilin təcili tibbi yardım maşınına bənzər nəqliyyat vasitəsinin arxasınca yüksək sürətlə hərəkət etdiyi görünür.