Lyayen: “Ukraynanın təhlükəsizliyi Avropa İttifaqı üçün ilk müdafiə xəttidir”

Avropa Komissiyasının (AK) rəhbəri Ursula fon der Lyayen bildirib ki, Ukraynanın təhlükəsizliyi təmin edilməlidir, çünki uzunmüddətli perspektivdə o, Avropa İttifaqı üçün ilk müdafiə xəttidir.

Bizim.Media xəbər verir ki, bu barədə AK rəhbəri sosial şəbəkə X-də yazıb.

“Danışıqlar davam etdikcə Avropa İttifaqı Ukraynaya dəstəyində sarsılmaz olaraq qalır. Maliyyə təkliflərimiz artıq müzakirəyə çıxarılıb. Məqsəd — həm döyüş meydanında, həm də danışıqlar masasının arxasında güclü Ukraynadır”, — deyə fon der Lyayen vurğulayıb.

Onun sözlərinə görə, özü, NATO-nun baş katibi Mark Rütte və Avropa Şurasının prezidenti Antoniu Koşta Ukrayna prezidenti Volodimir Zelenskiyə Aİ-nin mövqeyində qətiyyətli və prinsiplərinə sadiq qaldığını təsdiqləyiblər.
 

“Ukraynanın suverenliyi təmin olunmalı və qorunmalıdır. Ukraynanın təhlükəsizliyi — uzunmüddətli perspektivdə — İttifaqımız üçün ilk müdafiə xətti kimi təmin edilməlidir. Bu prioritetlər NATO Baş katibi Mark Rütte ilə müzakirələrimizin mərkəzində idi”, — deyə AK rəhbəri əlavə edib.

Sonda o qeyd edib ki, Avropa bundan sonra da Ukraynada ədalətli və dayanıqlı sülhün əldə olunmasına yönəlmiş səylərə töhfə verməyə davam edəcək.

Bizim.Media