Prezidentin köməkçisi: “Peyvəndlə bağlı danışıqlar aparılır”

“Səhiyyə sisteminin yükünün artması ilə bağlı sosial şəbəkələrdə də narazılıqlara rast gəlinir. Bu, səhiyyə sisteminin yüklənməsi ilə bağlıdır”.

Bizim.Media xəbər verir ki, bunu bu gün Nazirlər Kabineti yanında Operativ Qərargahın təşkil etdiyi brifinqdə Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov deyib.

O, bildirib ki, peyvənd olana qədər bu sərt dalğalanmalar davam edəcək”.

Prezidentin köməkçisi qeyd edib ki, 18 yanvara qədər qapanmalar nəticəsində yoluxmaların sayının azalacağına ümid edirlər:

“Hazırda biz də peyvəndlə bağlı prosesləri izləyirik, bütün şirkətlərlə əlaqələrimiz var, danışıqlar aparırıq. Ümid edirik ki, təsdiqlənmiş və ən təhlükəsiz vaksini Azərbaycana gətirəcəyik. Qısa müddətdə peyvənd haqqında, ilk növbədə kimlərə vurulması barədə məlumat veriləcək",- deyə Prezidentin köməkçisi qeyd edib.

Bizim.Media