Ərdoğandan PAYLAŞIM: “Türkiyə-Azərbaycan sülhün, əmin-amanlığın, tərəfindədir” - FOTO

“Qardaşım, Azərbaycan Prezidenti cənab İlham Əliyevi Türkiyədə qonaq etməkdən çox məmnun oldum. “Bir millət, iki dövlət” şüarı ilə təcəssüm olunan qardaşlıq münasibətlərimizdə hər sahədə böyük irəliləyişlər əldə edirik”.                         

Bizim.Media xəbər verir ki, bu barədə Türkiyə Prezidenti Rəcəb Tayyib Ərdoğan Azərbaycanın dövlət başçısı İlham Əliyevlə görüşü ilə bağlı paylaşımında qeyd edib.                         

Ərdoğan qeyd edib ki, ölkələrimiz arasında müdafiədən tutmuş ticarətə qədər bir çox sahələrdə əlaqələr daim inkişaf edir: 

“Şübhəsiz ki, bu əməkdaşlıqlar arasında bir çox layihələrlə tac qoyduğumuz enerji sektoru ön plandadır.
 

Bunu ifadə etmək istərdim: Türkiyə-Azərbaycan sülhün, əmin-amanlığın, firavanlığın tərəfindədir. Biz sadəcə olaraq regionumuzda sülh istəyirik, əməkdaşlıq, birlikdə inkişaf etmək istəyirik.

İnşallah, bundan sonra regional sülh, firavanlıq və əmin-amanlıq üçün hər cür layihələri birlikdə həyata keçirmək əzmindəyik”.