Azərbaycanın xarici ticarət dövriyyəsi 12 faiz ARTDI  

2023-cü ilin I rübü üzrə xarici ticarət dövriyyəsi 12.3 milyard dollar təşkil edib.  

Bizim.Media Azərbaycan Mərkəzi Bankının “Tədiyyə balansı hesabatına istinadən xəbər verir ki, 2022-ci ilin I rübündə isə bu dövriyyə 10.8 milyard dollar həcmində olub.  

Hesablamalardan görünür ki, 1 il ərzində cəmi 1,5 milyard dollar və ya 12,20 faizlik artım baş verib. 

Neft-qaz sektoru üzrə yaranan 6.7 milyard dollarlıq profisit qeyri-neft-qaz sektorundakı 2.0 milyard dollarlıq kəsiri bağlayıb. Bunun da nəticəsində hesabat dövründə xarici ticarət balansında 4.7 milyard dollarlıq profisit yaranıb.  

Ötən ilin eyni dövründə neft-qaz sektoru üzrə yaranmış 7.1 milyard dollarlıq profisit qeyri-neft sektoru üzrə 1.6 milyard dollarlıq kəsiri bağlayıb. Bunun nəticəsində də xarici ticarət balansında 5.5 milyard dollarlıq profisit yaranıb. 
Buradan aydın olur ki, bir il ərzində bu sektor üzrə yaranmış profisitin ümumi həcmi 0,4 milyard dollar və ya 5,63 faiz azalma baş verib. Bununla belə, cari dövrdəki kəsir ötən ilki kəsirdən 0,4 milyard dollar çox olsa da, bağlaya bilib. 

Rövşən Ziya, Bizim.Media