Ərdoğanın ən çox güvəndiyi yeni XİN rəhbəri Hakan Fidan kimdir? - FOTO

“Türkiyənin “Yüz ilin kabinəsi” adlandırılan yeni hökuməti açıqlandı. Azərbaycanda məşhur olan xarici işlər naziri Mövlud Çavuşoğlunun yerinə Milli İstihbarat Təşkilatının (MİT) sədri Hakan Fidan, müdafiə naziri Hulusi Akarın yerinə Baş qərargah rəisi Yaşar Gülər gətirildi”.

Bizim.Media xəbər verir ki,  bu fikirləri özünün Facebook səhifəsində siyasi ekspert Asif Nərimanlı yazıb.

Onun sözlərinə görə, Ərdoğanın “O mənim sirr küpüm, Türkiyə dövlətinin sirr küpü, Türkiyənin gələcəyinin sirr küpü” adlandırdığı Hakan Fidan xarici siyasətin müəyyənləşməsində ciddi rola malik olub:

“Obamanın “gözüm üzərində” dediyi, MOSSAD-ın ən çox çəkindiyi kəşfiyyatçı olduğu haqda məlumatlar var. Vaxtilə Azərbaycanda da TİKA-nın nümayəndəsi kimi işləyib. Türkiyə ordusunda böyük nüfuzu malik olan Yaşar Gülərin Azərbaycanın hərbi rəhbərliyi ilə yüksək münasibətləri var”.

Bizim.Media