“Metro stansiyalarının sayı 100-ə çatdırılmalıdır” – Qüdrət Həsənquliyev 

“Ən əzı 5 il ərzində Bakıda metrostansiyalarının sayını 100-ə çatdırmaq lazımdır”. 

Bizim.Media xəbər verir ki, bu fikirləri Milli Məclisin bu gün keçirilən plenar iclasında millət vəkili Qüdrət Həsənquliyev səsləndirib. 

Çıxışı zamanı Fazil Mustafaya qarşı sui-qəsddən danışan deputat Bakı şəhərində təhlükəsizlik kameralarının sayının artırılmasına çox ciddi ehtiyacın olduğunu vurğulayıb. 

Millət vəkili paytaxtın tıxac problemindən də söz açıb:

"Bakı şəhərində çox ciddi sıxlıq var. Hesab edirəm ki, bu məsələ ilə bağlı xüsusi dövlət proqramı qəbul olunmalıdır. Ən əzı 5 il ərzində Bakıda metrostansiyalarının sayını 100-ə çatdırmaq lazımdır. Bunun üçün həm Dövlət Neft Fondundan vəsait ayırmaq, həm də xarici şirkətləri və investorları bu işə cəlb etmək olar”. 

Murad Əhmədov, Bizim.Media