Türkiyənin məşhur aktyoru Kıvanç Tatlıtuğun İstanbulun Göktürk rayonundakı evində bədbəxt hadisə baş verib.
Bizim.Media xəbər verir ki, Türkmənistan vətəndaşı Bahadur Yangibayev təmizlik işləri zamanı damdan yıxılaraq ağır xəsarətlər alıb. O, xəstəxanaya yerləşdirilib və reanimasiyadadır.
Hadisə avqustun 31-də baş verib. Evdə təmir işləri başa çatdıqdan sonra Yangibayev təmizlik üçün çağırılıb. İş zamanı damın üzərinə çıxan kişi müvazinətini itirərək yıxılıb.
Hadisə ilə bağlı təmir şirkətinin sahibi A.A. saxlanılıb, lakin prokurorluqda ifadə verdikdən sonra sərbəst buraxılıb. O, Yangibayevin şirkətin əməkdaşı olmadığını bildirib.
Şirkət sahibinin vəkili daha sonra Kıvanç Tatlıtuğun və onun vəkilinin hərəkətlərinin araşdırılması üçün prokurorluğa və İstanbul Vəkillər Kollegiyasına müraciət edib. Aktyora hadisə ilə bağlı rəsmi ittiham irəli sürülməyib.
Kıvanç Tatlıtuğun vəkili isə iddiaları rədd edərək aktyor barəsində cinayət araşdırması aparılmadığını bildirib.
Bizim.Media
