“Xarı Bülbül Şuşa” Avrokuboklara qələbə ilə BAŞLADI 

Avrokubokda debüt edən kişi voleybolçulardan ibarət “Xarı bülbül Şuşa” klubu bu gün ilk görüşünü keçirib.  

Bizim.Media xəbər verir ki, Çelenc kubokunun 1/32 final mərhələsində komandamızın rəqibi Slovakiyanın “TJ Spartak MYJAVA” klubu olub.  

GİN-nin Voleybol Mərkəzində keçirilən birinci qarşılaşmada Şuşa təmsilçisi qonaqları hər üç setdə məğlub edərək matçın qalibi olub.  
Çelenc kuboku, 1/32 final (1-ci oyun) 

“Xarı Bülbül Şuşa” - “TJ Spartak MYJAVA” 3:0 (25:23, 25:21, 27:25) 

Qeyd edək ki, komandalar arasında cavab qarşılaşması tərəflərin razılığına əsasən sabah yenə Bakıda keçiriləcək. Görüş saat 18:00-da start götürəcək. 

Bizim.Media