“Hər hansı ssenarinin varlığından xəbərsizəm”

Millət vəkili Fazil Mustafa mətbuata açıqlamasında Müsavatdakı proseslərə maraqlı şərh verib. F.Mustafa iddia edib ki, Müsavat qarşıdurmalar hesbaına partiyanın ucuz təbliğatını aparır və qarşıdurmaların, mübahisələrin davam etməsi partiyanın xeyrinədir.

Maraqlıdır, doğrudanmı Müsavatda hər şey öncədən hazırlanan ssenari əsasında reallaşıb və bu gün də hər bir siyasi bu ssenariyə uyğun öz rolunu oynamaqdadır?

Bununla bağlı Moderator.az-ın sualını cavablandıran Müsavat Partiyası başqanlığına sabiq namizəd Səxavət Əlisoy hansısa ssenarinin mövcudluğundan xəbərsiz olduğunu vurğuladı:

“Bu ssenaridən mən xəbərsizəm. Fazil bəy millət vəkilidir, informasiya imkanları genişdir, yəqin dəqiq məlumatı var ki, belə deyib. Yox əgər təxəyyülünün məhsulunu ortaya qoyubsa, onunla razılaşmıram, yanlış düşünür”.

Seymur Əliyev