Küçədə gənclərə bıçaqla hücum edən şəxs TUTULDU

Hazırda oxunan: Küçədə gənclərə bıçaqla hücum edən şəxs TUTULDU

618177

Moskvanın mərkəzində, Bolşoy Spasoglinişşevski döngəsi yaxınlığında 18 yaşlı gənc iki həmyaşıdına bıçaqla hücum edərək onları ağır yaralayıb.

Bizim.Media xəbər verir ki, Rusiya İstintaq Komitəsinin paytaxt idarəsinin məlumatına görə, hadisə gənclər arasında yaranan qəfil münaqişə zəminində baş verib.

18 yaşlı Alim A. adlı şəxs küçədə 17 yaşlı Dmitri V. və 18 yaşlı Matvey M. ilə mübahisə edib.

Münaqişə böyüdükdən sonra o, üzərindəki bıçaqla hər iki gəncə çoxsaylı zərbələr endirib. Ağır xəsarət alan zərərçəkmişlər dərhal xəstəxanaya reanimasiya şöbəsinə yerləşdiriliblər. Hazırda həkimlər onların həyatı üçün mübarizə aparır.

Hücum edən şəxs Moskva polisinin operativ tədbirləri nəticəsində hadisə yerindən qaçmağa çalışarkən isti izlərlə saxlanılıb. Yaxın saatlarda o, dindirilmə və rəsmi ittihamın irəli sürülməsi üçün İstintaq Komitəsinin regional bölməsinə təhvil veriləcək. Faktla bağlı "iki və ya daha çox şəxsi qəsdən adam öldürməyə cəhd" maddəsi ilə cinayət işi başlanılıb.

Bizim.Media