İspaniyada Roma Papasına zeytun ağacı hədiyyə edildi

İspaniyanın Baş naziri Pedro Sançes sülh və dialoq rəmzi olaraq Roma Papası XIV Leoya bonsay (kiçildilmiş) formasında zeytun ağacı hədiyyə edib.

Bizim.Media TASS-a istinadla xəbər verir ki, bu barədə krallığın Nazirlər Kabineti rəhbərinin mətbuat xidməti məlumat yayıb.

Pontifik Baş naziri Madriddəki apostol nunsiliyində (Vatikanın səfirliyi) qəbul edib. Qeyd olunduğu kimi, görüş zamanı Sançes Roma Papasına "13 yaşlı İspaniya zeytun ağacı bonsayı" təqdim edib.

Bitki ənənə ilə innovasiya, tarixi köklərə hörmət ilə qabaqcıl texnologiyaların tətbiqi arasında mükəmməl tarazlığı təmsil edir.
 

"Zeytun ağacı sülhün, dialoqun və anlaşmanın universal rəmzidir. Bu həm İspaniya, həm də Vatikanın ortaq dəyərləridir", — deyə Nazirlər Kabinetinin mətbuat xidmətindən qeyd edilib.

XIV Leo İspaniyaya iyunun 6-da gəlib. Ölkəyə səfəri çərçivəsində onun Barselona və Kanar adalarını da ziyarət etməsi planlaşdırılır.

İspaniyaya səfər edən sonuncu pontifik XVI Benedikt (1927-2022) olub. O, 2011-ci ildə Ümumdünya Gənclər Günü çərçivəsində bu ölkədə səfərdə olub.

Bizim.Media