Ukrayna Avropa İttifaqına üzv ola bilər – BU TARİXDƏ

Ukrayna 1 yanvar 2027-ci il tarixindən etibarən Avropa İttifaqına qoşula bilər. 

Bizim.Media xəbər verir ki, “Financial Times” nəşri bu barədə məlumat yayıb.

Nəşrin məlumatına görə, ABŞ və Aİ Rusiya ilə müharibəyə son qoymaq üçün sülh planının bir hissəsi olaraq Ukraynanın 2027-ci ilə qədər Aİ-yə sürətləndirilmiş qoşulmasını müzakirə edirlər.

Təklif Brüsselin dəstəyi ilə Amerika və Ukrayna rəsmiləri tərəfindən hazırlanır. Bu müddəa sülh müqaviləsi layihəsinin son versiyasına daxil edilib. 

Məqalədə deyilir ki, bu, vəsaitlərə və hüquqlara mərhələli çıxış da daxil olmaqla, Avropa İttifaqına standart 36 mərhələli qoşulma prosedurunun yenidən nəzərdən keçirilməsini tələb edəcək.
 

Ukrayna Prezidenti Volodimir Zelenski ölkənin Aİ-dəki gələcək statusunun həm Avropa, həm də Amerika danışıqçılarından asılı olduğunu və sülh müqaviləsinə üzvlüyün daxil edilməsinin Brüssel üçün faktiki olaraq geridönməz müddəaya çevriləcəyini vurğulayıb.

Qeyd edək ki, Rusiya tərəfi hələ sülh planının son layihələrini nəzərdən keçirməyib. Putinin köməkçisi Yuri Uşakov isə bildirib ki, rəsmi Moskva sülh planının bir çox müddəası ilə razılaşmaya bilər.

Bizim.Media