İş adamı barəsində yazılanları təkzib etdi

Bu günlərdə məşhur iş adamı, cəbhə bölgəsində Füzuli rayonunda yerləşən dövlət əhəmiyyətli “Qarabağ broyler MMC”x9dnin sahibi Nəriman Əliyev barəsində bəzi KİV-lərdə uydurma və böhtan dolu material verilmişdir. Nəriman Əliyev məsələyə aydınlıq gətirərək bildirib ki, O, heç bir idman klubunun rəhbəri olmayıb və barəsində yazılanlar məqsədli, qərəzli, şər və böhtandır: "Bir vətənsevər sahibkar, iş adamı kimi mənim işgüzar nüfuzuma xələl gətirmək istəyən müəyyən dairələrin çirkin niyyətləridir".

Daha sonra artıq müvafiq qurumlara bu barədə müraciət etdiyini deyən sahibkar əlavə olaraq bildirdi: "İlkin nəticələr əldə olunubdur. Bu böhtanı yazan saytlar barəsində də müəyyən maraq doğuracaq informasiyalar əldə edilmişdir. Doğrudur, böhtan materalını çap edən saytın rəhbərliyi tərəfindən artıq təkzib veribdir. Amma məsələ bundadır ki belə hallar, insanlara böhtan ataraq nəyəsə nail olmaq istəyənlər bilməlidir ki, bu əmələ görə onlar da layiqli cavabların qanun müstəvisində alacaqlar".