Vəsiqəsi olmayan skuter kirayələyə bilməsin – Maraqlı TƏKLİF

Rusiyanın Sankt-Peterburq şəhərində fərdi hərəkət vasitələrinin, o cümlədən elektrikli samokatların istifadəçiləri üçün ayrıca sürücülük vəsiqəsi kateqoriyasının tətbiq edilməsi təklif olunub.

Bizim.Media xəbər verir ki, bu təşəbbüslə TASS-ın mətbuat konfransında Rusiya DİN-in Sankt-Peterburq və Leninqrad vilayəti üzrə Baş İdarəsinin Dövlət Avtomobil Müfəttişliyi idarəsinin rəis müavini Anton Axminov çıxış edib.

Onun sözlərinə görə, elektrikli samokatların populyarlığının sürətlə artması əlavə tənzimləmə tədbirlərinin tətbiq edilməsini tələb edir.

Dövlət Avtomobil Müfəttişliyinin rəsmisi bildirib ki, fərdi hərəkət vasitələrini idarə edən şəxslər üçün ayrıca sürücülük vəsiqəsi kateqoriyası nəzərdə tutulmalıdır. Onun fikrincə, samokat kirayəsi xidmətləri yalnız belə nəqliyyat vasitəsini idarə etmək hüququnu təsdiq edən sənəd yoxlanıldıqdan sonra icarəyə icazə verməlidir.

Bizim.Media