Vətən müharibəsi şəhidi Vüsal Şakir oğlu Abdullayevin anası Əmirova Tamilə Vüsal qızı dünyasını dəyişib. Onun ürək tutmasından dünyasını dəyişdiyi deyilir.
Bizim.Media-nın yerli bürosunun verdiyi məlumata görə, şəhidin anası dünən yaşadığı Beyləqan rayonunun Sarısu qəsəbəsində dəfn olunub.
Vətən müharibəsi şəhidi Vüsal Şakir oğlu Abdullayev 1986-cı il 15 martda Beyləqan rayonunun Sarısu kəndində anadan olub. Onun ağır döyüş yolu Füzuli, Zəngilan, Cəbrayıldan keçib. Son döyüşü Qubadlı uğrunda olub.
Vüsal Abdullayev 22 oktyabr 2020-ci ildə Qubadlı uğrunda döyüşlərdə qəhrəmancasına şəhid olub. Bir müddət nəşini götürmək mümkün olmayıb. Noyabr ayının 4-ü Vüsalın nəşi ailəsinə verilib. Elə həmin gün Vüsal doğulduğu Beyləqan rayonu Sarısu kəndinə gətirilib və Beyləqandakı Şəhidlər Xiyabanında dəfn olunub.
Leyla Vəfadar, Bizim.Media, Mərkəzi Aran bürosu.
