Ələt–Astara magistral avtomobil yolunun Biləsuvar rayonu ərazisindən keçən hissəsində yol-nəqliyyat hadisəsi baş verib.
Bizim.Media xəbər verir ki, Cəlilabad rayonunun Maşlıq kənd sakini Cavid Zamin oğlu Babayevin idarə etdiyi "Ford Transit" markalı kiçiktonajlı yük avtomobili "KamAZ" markalı yük maşını ilə toqquşub.
Qəza nəticəsində "Ford Transit"ə ciddi ziyan dəyib. Güclü zərbə səbəbindən avtomobilin ön hissəsi və salonu tamamilə deformasiyaya uğrayaraq yararsız vəziyyətə düşüb.
Hadisə zamanı sürücü Cavid Babayev müxtəlif dərəcəli bədən xəsarətləri alıb.
Faktla bağlı araşdırma aparılır.
Sabutay, Bizim.Media, Cənub bürosu
