Bu qidalar demensiya riskini artıra bilər

Tədqiqatlar yüksək emal olunmuş qidaların demensiya riskinə təsir edə biləcəyini göstərir.

Bizim.Media “CNN Health”ə istinadən xəbər verir ki, yeni araşdırmaya görə, bu tip qidaların gündəlik istehlakının artması idrak qabiliyyətlərinin zəifləməsi və demensiya riskinin yüksəlməsi ilə əlaqələndirilir.
 

Tədqiqat nəticələrində bildirilir ki, gündəlik qida rasionunda yüksək emal olunmuş qidaların cəmi 10% artması belə risk göstəricilərinin yüksəlməsi ilə müşayiət oluna bilər. Bu miqdar təxminən kiçik bir çips paketinə bərabər hesab olunur.

Araşdırma həmçinin göstərir ki, bu əlaqə yalnız ümumi pəhriz keyfiyyəti ilə izah olunmur və daha sağlam qidalanan insanlarda da müşahidə edilə bilər.

Mütəxəssislərə görə, bu məhsullar adətən yüksək şəkər, duz və emal olunmuş maddələr ehtiva edir və beynin sağlamlığına mənfi təsir göstərə bilən prosesləri gücləndirə bilər.

Xədicə Paşayeva, Bizim.Media