"Azərbaycan Dövlət Neft Şirkətinə (SOCAR) zəng edib demişdilər ki, Pirallahıda meyit tapılıb. Amma bu xəbər təsdiqini tapmadı".
"Report" xəbər verir ki, bunu jurnalistlər üçün keçirdiyi brifinqdə SOCAR-ın vitse-prezidenti Xalik Məmmədov deyib.
X.Məmmədov bildirib ki, BP-nin də küləyin sürəti ilə bağlı verdiyi məlumatlar küləyin sürətli olduğunu təsdiqləyir. O, həmçinin küləyin 27 saat davam etdiyini deyib:
"Külək 27 saat müddətində 39-40 metr/saniyə sürəti ilə davam edib. Praktik olaraq orda hansısa xilasetmə işinin aparılması mümkün deyildi"
