Sarkisyanın partiyası: “Ermənistan hər gün uçuruma doğru sürüşür”

“Erməni hakimiyyəti türklərin səsləndirdiyi və səsləndirmədiyi bütün ilkin şərtləri yerinə yetirib”.

Bizim.Media erməni KİV-nə istinadən xəbər verir ki, bunu iyulun 25-də jurnalistlərlə görüşündə sabiq prezident Serj Sarkisyanın rəhbərlik etdiyi Respublika Partiyasının mətbuat katibi Eduard Şarmazanov səsləndirib.

O, Ermənistanın hazırkı hakimiyyətinin Ermənistan-Türkiyə münasibətlərinin normallaşması prosesinin heç bir ilkin şərt olmadan getdiyi barədə bəyanatlarına münasibət bildirib. 

Müxalifətçinin sözlərinə görə, Ermənistanın indiki siyasi rəhbərliyi mümkün olan hər şeyi verib.

O, qeyd edib ki, geosiyasi proseslərin davam etməsi fonunda bütün dünya ölkələri uduzmağa yox, qalib gəlməyə çalışır. Ermənistan isə hər gün daha da uçuruma doğru sürüşür.

Bizim.Media