“Ukraynadakı müharibə ikili standartları ortaya çıxardı” – Çavuşoğlu 

“Ukrayna müharibəsi dünyada ikili standartı üzə çıxardı. Bura Yaxın Şərq deyil, Əfqanıstan deyil, niyə qan tökülür deyənləri də eşitmişik. Bizim üçün Xarkovda tökülən qanla Hələbdə tökülən qan birdir”. 

Bizim.Media xəbər verir ki, bu barədə Türkiyə xarici işlər naziri Mövlud Çavuşoğlu İslam Əməkdaşlığı Təşkilatının XİN başçılarının İslamabadda keçirilən 48-ci iclasında çıxışı zamanı bildirib. 
 

MÖVZU İLƏ BAĞLI:

Çavuşoğlu: “Bəzi məsələlərdə Rusiya ilə Ukraynanın mövqelərində yaxınlaşma var”

Nazir dünyada islamafobiya və türkofobiyanın geniş yayıldığını da qeyd edib: 

“Çində uyğur türkləri dini və milli kimliklərini qorumaqda çətinlik çəkir, müsəlmanların ən çox yaşadığı ölkələrdən biri olan Hindistanda isə baş örtüsü qadağası var. İslam dünyasındakı vəziyyətin məsuliyyəti kimdədir? Əvvəlcə özümüzlı hesablaşmalıyıq. Əgər ümmət olaraq birlik olsaq, hər bir əngəli dəf edə bilərik"

Bizim.Media