Lavrov Avropanı Putinin sözləri iə HƏDƏLƏDİ: “Müharibə tamamilə başqa cür olacaq”

Rusiya xarici işlər naziri Sergey Lavrov ölkə prezidenti Vladimir Putinin Avropanın Rusiyaya mümkün hücumunun nəticələri barədə səsləndirdiyi xəbərdarlığın unudulmamasını tövsiyə edib.

Bizim.Media xəbər verir ki, Birinci kanalda yayımlanan "Böyük oyun" verilişində danışan Lavrov prezidentin sözlərini xatırladıb:
 

“Biz heç kimə hücum etmək fikrində deyilik. Bu, səfehlikdir, axmaqlıqdır, lakin əgər bu söhbətlər sizin hücumunuzun hazırlığı deməkdirsə, sizi əmin edirəm ki, müharibə tamamilə başqa cür və çox qısa olacaq”.

Lavrov qeyd edib ki, bu sözlər mütləq yadda saxlanılmalıdır. Eyni zamanda o, Rusiyanın Avropaya hücum etmək niyyətində olmadığını vurğulayıb.

Lavrov həmçinin Qərbin Arktikanı militarizasiya etməsindən narahatlığını ifadə edib. Onun sözlərinə görə, bu yaxınlarda ABŞ, Norveç və digər ölkələr tərəfindən həmin regionda keçirilən hərbi təlimlərin ssenarisi birbaşa Rusiya ilə silahlı münaqişəni nəzərdə tutub.

Bizim.Media