Türkiyədən ETİRAF: Ermənistanla sərhədin açılmasında irəliləyiş yoxdur

"RİA Novosti": Ermənistan və Türkiyə arasında sərhədin açılma tarixi razılaşdırılmayıb
Türkiyə-Ermənistan sərhədinin açılması üçün konkret müddətlər hələlik razılaşdırılmayıb.

Bizim.Media xəbər verir ki, bunu "RİA Novosti"yə Türkiyə hökumətindəki mənbə bildirib.

Agentliyin həmsöhbəti əlavə edib ki, bu istiqamətdə növbəti irəliləyiş ikitərəfli münasibətlərin normallaşmasının necə irəliləyəcəyindən asılıdır.
 

Onun sözlərinə görə, Ankara Ermənistandakı parlament seçkilərindən sonra regional sabitliyi və Cənubi Qafqazda "mehriban qonşuluq münasibətlərini" gücləndirmək üçün Yerevanla konstruktiv dialoqu davam etdirəcəyinə ümid edir.

Ermənistan-Türkiyə sərhədi 1993-cü ildən bəri bağlı qalıdır və ölkələr arasında diplomatik münasibətlər yoxdur. Onların normallaşması prosesinə 2022-ci ildə Moskvada, hər iki tərəfdən xüsusi nümayəndələrin — Ermənistan Milli Assambleyasının vitse-spikeri Ruben Rubinyan və Türkiyənin ABŞ-dəki keçmiş səfiri Sərdar Kılıçın görüşü ilə start verilib.

2022-ci ilin iyulunda Ankara və İrəvanın nümayəndə heyətləri Vyanada görüşərək, quru sərhədinin üçüncü ölkə vətəndaşları və diplomatik pasport sahiblərinin keçidi üçün açılması prosesini maksimum dərəcədə sürətləndirmək barədə razılığa gəliblər. Lakin bu razılaşma indiyədək reallaşdırılmayıb.

Bizim.Media