Qaqik Çarukyan: "Səhərdən 50 tərəfdarımız saxlanılıb"

"Çiçəklənən Ermənistan" partiyasının lideri Qaqik Çarukyan parlament seçkiləri zamanı rəhbərlik etdiyi siyasi qüvvənin üzvlərinə qarşı hüquq-mühafizə orqanları tərəfindən təzyiqlərin olduğunu bəyan edib.

Bizim.Media xəbər verir ki, səsvermədən sonra jurnalistlərin suallarını cavablandıran Çarukyan səhər saatlarından etibarən kütləvi saxlanılmaların baş verdiyini bildirib:
 

"İnsanları tamamilə əsassız yerə, heç bir səbəb olmadan aparıblar. Lakin bu, problemin həlli yolu deyil — xalq artıq bu cür üsullardan yorulub və cana doyub", — deyə partiya lideri qeyd edib.

Xatırladaq ki, Ermənistanda bu gün keçirilən parlament seçkiləri fonunda hakimiyyət və müxalifət düşərgəsi arasında qarşılıqlı ittihamlar, eləcə də müxtəlif siyasi qüvvələrin tərəfdarlarının seçki qanunvericiliyini pozma və rüşvət ittihamları ilə saxlanılması barədə məlumatların intensivliyi artıb.

Bizim.Media