Rusiya Ermənistan-İran sərhədində tikinti aparır - PAŞİNYANDAN XƏBƏRSİZ

Xəbər verildiyi kimi, Rusiya Ermənistan-İran sərhədindəki Meğri keçid məntəqəsini genişləndirir. Ermənistanın baş naziri Nikol Paşinyan bu gün keçirdiyi mətbuat konfransında mövzuya münasibət bildirib.

Bizim.Media xəbər verir ki, informasiya erməni mətbutında yer alıb.

Paşinyan qeyd edib ki, Rusiya sərhədçiləri tərəfindən Meğridə (Ermənistan-İran sərhəddində) aparılan tikinti ilə bağlı məlumatı yoxlamaq lazımdır.
“Bütün hərəkətlər Ermənistanın Milli Təhlükəsizlik Xidməti ilə razılaşdırılaraq həyata keçirilməlidir”, - deyə o vurğulayıb.

Baş nazir bu məlumatı yoxlayacağına söz verib:

“Deyilənlər razılaşdırılmış çərçivədən kənara çıxarsa, Ermənistan Respublikasının suverenliyinə və ərazi bütövlüyünə xələl gətirərsə, şübhəsiz ki, bu, müzakirə olunacaq. Əlbəttə, bizimlə razılaşdırılmış yerlər var, lakin bu o demək deyil ki, orada daimi qalmalıdırlar. Bütün bu detalları rusiyalı həmkarlarımızla müzakirə edəcəyik”.

Bizim.Media