Bu gün futbol üzrə Azərbaycan Premyer Liqasında II tura yekun vurulacaq.
Bizim.Media xəbər verir ki, sonuncu oyun günündə daha iki qarşılaşma keçiriləcək.
"Qəbələ" doğma meydanda "Şamaxı"nı qəbul edəcək. Meydan sahibləri ötən tur "Turan Tovuz"u 2:0 hesabı ilə üstələyib, qonaqlar isə "Neftçi"yə uduzub - 0:1.
Komandalar indiyədək ölkə çempionatlarında 55 dəfə üz-üzə gəliblər. Bunların 17-də "qırmızı-qaralar", 19-da Şamaxı təmsilçisi qalib gəlib. Topların nisbətində də qonaqlar üstündür - 72:58. “Qəbələ” Premyer Liqada bu rəqiblə ardıcıl 7 oyunda meydanı qolsuz tərk etməyib. “Şamaxı” isə son 4 görüşdə qələbə qazanmayıb.
II tura "Neftçi" - "Kəpəz" matçı ilə yekun vurulacaq. "Ağ-qaralar" ilk turda "Şamaxı"nı 1:0 hesabı ilə yenib. Gəncə klubu isə "Zirə" ilə dueldən məğlub ayrılıb - 1:2. Komandalar bu vaxtadək çempionat oyunlarında 51 dəfə qarşılaşıblar. 24 dəfə paytaxt təmsilçisi, 18 dəfə "Kəpəz" meydanı 3 xalla tərk edib. Topların nisbətində də "ağ-qaralar" üstündür - 73:46.
Azərbaycan Premyer Liqası
II tur
14 avqust (bazar)
18:20. “Qəbələ” – “Şamaxı”
Hakimlər: Fərid Hacıyev, Rəhman İmami, Kamran Bayramov, Emin Əliyev
Hakim-inspektor: Orxan Məmmədov
Qəbələ şəhər stadionu
20:30. “Neftçi” – “Kəpəz”
Hakimlər: Nicat İsmayıllı, Elşad Abdullayev, Pərvin Talıbov, Kamranbəy Rəhimov
Hakim-inspektor: Gülağa Cabarov
“Bakcell Arena”
Qeyd edək ki, turun əvvəlki matçlarında "Sabah" səfərdə "Zirə"ni 3:1, "Qarabağ" "Sumqayıt"ı 2:0, "Turan Tovuz" isə "Səbail"i 1:0 hesabı ilə məğlub edib.
Bizim.Media
![Azərbaycan Premyer Liqası: “Qəbələ” “Şamaxı”nı, “Neftçi” “Kəpəz”i qəbul edəcək Azərbaycan Premyer Liqası: “Qəbələ” “Şamaxı”nı, “Neftçi” “Kəpəz”i qəbul edəcək](https://bizim.media/file/articles/2022/08/14/1660454858_photo1660454671.jpeg)
- A-
- A
- A+
İdman
09:24 / 14.08.2022
Azərbaycan Premyer Liqası: “Qəbələ” “Şamaxı”nı, “Neftçi” “Kəpəz”i qəbul edəcək
Hazırda oxunan: Azərbaycan Premyer Liqası: “Qəbələ” “Şamaxı”nı, “Neftçi” “Kəpəz”i qəbul edəcək
Hazırda oxunan: Azərbaycan Premyer Liqası: “Qəbələ” “Şamaxı”nı, “Neftçi” “Kəpəz”i qəbul edəcək
88471
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.