İki gəncin ölümünə səbəb olan sürücü sərxoş imiş... – VİDEO

Türkiyənin Hatay vilayətinin İskəndərun rayonunda idarəetmədən çıxan minik avtomobili maneələrə çırpılaraq aşıb.

Bizim.Media İHA-ya istinadla xəbər verir ki, dəhşətli qəza nəticəsində 23 yaşlı Bestami Keleş və 19 yaşlı Sudenaz Menekşe hadisə yerində həyatını itirib, daha 3 nəfər isə ağır yaralanıb.

Araşdırmalar zamanı sükan arxasında olan sürücü M.E.C.-nin sərxoş olduğu müəyyən edilib.

Məlumata görə, faciədən bir qədər əvvəl gənclərdən ibarət qrup Arsuz sahilində birlikdə yeyib-içib, daha sonra isə sərxoş sürücünün avtomobili ilə gəzintiyə çıxıblar.

Faktla bağlı hüquq-mühafizə organları tərəfindən genişmiqyaslı cinayət işi açılıb, xəstəxanada müalicəsi bitdikdən sonra sürücü barəsində həbs qətimkan tədbirinin seçiləcəyi gözlənilir.


Bizim.Media