Bu görüntüləri gündəm oldu - VİDEO

Suriyanın keçid dövrü Prezidenti Əhməd əl-Şaraa və xarici işlər naziri Əsəd Həsən Şeybani Dəməşqdəki restoranlardan birində olarkən kameralara tuş gəliblər.

Bizim.Media xəbər verir ki, sosial şəbəkələrdə yayılan görüntülər ölkə ictimaiyyətində geniş müzakirələrə səbəb olub. 

Kadrlarda iki yüksəkvəzifəli şəxsin xüsusi təmtəraqdan uzaq, sadə şəraitdə nahar etdiyi görünür.

Məlumata əsasən, əl-Şaraa və Şeybani restoran ziyarəti zamanı həm yemək sifariş edib, həm də orada olan vətəndaşlarla qısa söhbətlər aparıblar. Onların sərbəst davranışı və rəsmi protokol çərçivəsindən kənar görünən ünsiyyəti sosial media istifadəçilərinin diqqətini çəkib.

Yayılan videolar qısa müddətdə böyük maraq doğuraraq minlərlə baxış toplayıb və Suriyada gündəmin əsas mövzularından birinə çevrilib.

Bizim.Media