“Traxtur”un keçmiş futbolçusu etirazlarda öldürüldü – FOTO

Təbrizin “Traxtur” klubunun keçmiş futbolçusu Mojtaba Torşiz İranda davam edən etirazlar zamanı həyat yoldaşı ilə birlikdə öldürülüb.

Bizim.Media xəbər verir ki, bu barədə sosial şəbəkələrdə paylaşım edilib.

Bildirilib ki, Mojtaba Torşiz və həyat yoldaşı etiraz aksiyalarında İran xalqını dəstəklədiklərinə görə İslam Respublikası təhlükəsizlik qüvvələri tərəfindən qətlə yetirilib.

Hadisənin təfərrüatı ilə bağlı rəsmi qurumlar tərəfindən hələlik açıqlama verilməyib.
 

Qeyd edək ki, İran İnsan Hüquqları Aktivistləri Xəbər Agentliyinin (HRANA) son hesabatına görə, etirazlar zamanı ölənlərin sayı 147 təhlükəsizlik əməkdaşı və 2 403 etirazçı olmaqla, ümumilikdə 2 550 nəfərə çatıb.

İran hakimiyyəti etirazlar zamanı ölən və yaralananlarla bağlı hələlik rəsmi açıqlama yaymayıb.


Bizim.Media