İsraildən “Hizbullah”a XƏBƏRDARLIQ: İranla mümkün münaqişəyə müdaxilə etməyin!

Livan mənbələri İran ətrafında artan gərginlik fonunda İsrailin siqnallarının kəskin şəkildə sərtləşdiyini bildirir. 

Bizim.Media xəbər verir ki, Nida Al-Watan qəzetinin məlumatına görə, son günlərdə beynəlxalq vasitəçilər Beyruta gələrək ölkə rəhbərliyinə İsraildən ünvanlanan açıq və birmənalı mesajları çatdırıblar.

Livanlı siyasi mənbənin sözlərinə əsasən, İsrail “Hizbullah”ın İranla mümkün münaqişəyə hər hansı müdaxiləsini “qırmızı xətt” kimi qiymətləndirir.
 

Göndərilən mesajlarda vurğulanır ki, şiə qruplaşmasının döyüş əməliyyatlarına qoşulacağı halda, İsrail əvvəlcədən hazırlanmış genişmiqyaslı hərbi ssenarini həyata keçirəcək.

Mənbə qeyd edib ki, söhbət ictimai təhdidlərdən və ya media üzərindən təzyiq göstərmək cəhdlərindən getmir. Əksinə, bu məlumatlar yalnız Livanın qərar qəbuletmə mərkəzləri üçün nəzərdə tutulub ki, “Hizbullah”ın eskalasiyaya yönələn istənilən addımının mümkün nəticələrini aydın şəkildə dərk etsinlər.

Bizim.Media