Trampdan keçmiş prezidentlərin Ağ Evdəki portretlərinə təhqiredici ŞƏRHLƏR – FOTO

ABŞ prezidenti Donald Tramp Ağ Evdəki keçmiş prezidentlərin portretlərinə təhqiredici şərhlər əlavə edib.

Bizim.Media xəbər verir ki, bu barədə informasiyanı Ağ Evin mətbuat katibi Karolin Livitt yayıb.

Onun sözlərinə görə, bu lövhələr hər bir prezident və onun mirası barədə açıq-aydın yazılmış təsvirlərdir:

“Tramp tarixi bilən prezident olaraq, bir çox şərhləri özü yazıb.”

Şərhlərdə deyilir ki, “Yuxulu Joe Bayden, şübhəsiz, ABŞ tarixindəki ən pis prezidentdir.”

Həmçinin qeyd olunur ki, o, “ABŞ-da görülmüş ən korrupsiyalı seçkilərlə vəzifəyə gəlib” və “xalqımızı dağılışın kənarına gətirən fövqəladə fəlakətlər zəncirini idarə edib.”

Tramp Baydeni iqtisadi göstəricilərinə, iqlim, miqrasiya və xarici siyasətinə görə də tənqid edib, o cümlədən Əfqanıstandan qoşunların çıxarılmasını “ABŞ tarixində ən rüsvayçı hadisələrdən biri” adlandırıb.

Tramp həmçinin qeyd edib ki, Baydenin “zəifliyi” səbəbindən Rusiya Ukraynaya hücum edib və “HƏMAS terrorçuları 7 oktyabrda İsrailə dəhşətli hücum həyata keçirib”.

Obamanın portreti altında Tramp yazıb: “Barak Huseyn Obama ilk qaradərili prezident, ictimai xadim, İllinoys senatoru olub, bu vəzifədə bir müddət çalışıb və ABŞ tarixində ən mübahisəli siyasi fiqurlardan biridir. O, 2016-cı il Trampın prezident kampaniyasını casusluq edib və “Rusiya, Rusiya, Rusiya” mifini yaradıb — ABŞ tarixinin ən böyük siyasi qalmaqalı.”
 

Lövhələrdə Hillari Klinton iki dəfə qeyd olunur — ABŞ-ın sabiq dövlət katibi və 2016-cı il prezidentliyinə Trampla rəqib olan Demokrat partiyasının namizədi. Obamanın portreti altında yazılıb ki, Hillari Klinton onun “şəxsi seçilmiş varisidir” və sonra prezident seçkilərində Donald J. Trampa uduzub.

Bill Klintonun portreti altında isə qeyd olunur ki, prezident Klintonun arvadı Hillari Tramp qarşısında uduzub.