Təyyarədə daşınması qadağan olan 5 qeyri-aşkar məhsul

Avropada təyyarənin əl yükündə maye daşımaq üçün ciddi məhdudiyyətlər qüvvədədir. Bəzi hava limanları bu qaydanı yumşaltmağa başlasa da, əksər yerlərdə hələ də tətbiq olunur. Və bu məhdudiyyət təkcə içki şüşələrinə aid deyil.

Bizim.Media xəbər verir ki, bu barədə "Express" yazıb.
 

Artıq 20 ildir ki, Avropa hava limanlarında bir sərnişinin əl yükündə ümumilikdə 100 millilitrdən çox maye daşıması qadağandır. Söhbət bir şüşənin həcmindən deyil, çantadakı bütün mayelərin ümumi həcminə nəzarətdən gedir. Problemin mahiyyəti ondan ibarətdir ki, bu 100 millilitrlik limitə yalnız içkilər deyil, ilk baxışdan maye sayılmayan digər maddələr də daxildir.

Mütəxəssislər Avropada səyahət zamanı təyyarəyə gətirilməsi qadağan olunan və ya arzuolunmaz hesab edilən ən gözlənilməz məhsulların siyahısını tərtib ediblər:

* yumşaq pendir - təyyarəyə götürülməsinə icazə verilən 100 ml maye limitinə daxildir;

* cemlər, souslar və oxşar konsistensiyaya malik bütün məhsullar;

* mayeli marinadda konservləşdirilmiş məhsullar - məsələn, Yunanıstandan bir banka zeytun gətirmək mümkün olmayacaq;

* üz yağı, nəmləndirici kremlər, əl jelləri və digər oxşar kosmetik vasitələr;

* protein tozu - maye limitinə daxil olmasa da, hava limanının skanerləri bütün növ tozlara həssas reaksiya verdiyindən problem yarada bilər. (qaynarinfo.az)

Bizim.Media