Zaxarova: “Moskva və Bakı Rusiya vətəndaşlarının geri qaytarılması üçün əsaslı dialoq aparır” - VİDEO

“Moskva və Bakı Azərbaycan ərazisində həbsdə olan Rusiya vətəndaşlarının geri qaytarılması məsələsi ilə bağlı aidiyyəti qurumlar xətti ilə dialoq aparır”.

Bizim.Media xəbər verir ki, bunu Rusiya XİN-in rəsmi nümayəndəsi Mariya Zaxarova keçirdiyi brifinqdə bildirib.

“İki ölkənin müvafiq qurumları xətti ilə Rusiya vətəndaşlarının tezliklə vətənə qaytarılması məqsədilə konkret danışıqlar aparılır”, – deyə o, qeyd edib.
 

Zaxarovanın sözlərinə görə, Rusiyanın Bakıda yerləşən səfirliyi dünən Azərbaycan tərəfinə rusiyalı vətəndaşla görüşün təşkili və ona ixtisaslı tibbi yardımın göstərilməsi ilə bağlı təkrar sorğu göndərib.

“Təəssüf ki, hələlik konsulluq görüşünə icazə verilməyib. Məsələ nəzarətimiz altındadır”, – deyə Rusiya XİN nümayəndəsi vurğulayıb.



Bizim.Media