Ermənistanda qondarma “erməni soyqırımı”nı inkar edənlərə CƏZA VERİLƏCƏK?

Müxalif “Ermənistan” fraksiyası parlamentə yeni qanun layihəsi təqdim edib. Layihədə qondarma “erməni soyqırımının” inkarı, şübhə altına alınması və ya onun əsaslandırılması cinayət məsuliyyəti yaradan hərəkət kimi göstərilir.

Bizim.Media “Sputnik Ermənistan” nəşrinə istinadən xəbər verir ki, cəzalar 100–300 min dram cərimə, 150–250 saat ictimai iş və ya 4 ilə qədər həbsdir. Vəzifəli şəxslər üçün maksimum cəza 15 ilə qədər artırılır.

Müxalifət bildirir ki, hazırkı qanunda məsuliyyət nəzərdə tutulsa da, indiyə qədər heç bir iş açılmayıb. Hakim partiya isə qeyd edib ki, Baş nazir Nikol Paşinyanın bəzi fikirləri “soyqırımın” inkarına aid deyil, səbəblərin araşdırılması ilə bağlıdır.

Bizim.Media