Artıq dişə də döymə vurulur

Çində gənclər arasında diş döymələri populyarlıq qazanır.

Bizim.Media xarici mətbuata istinadən xəbər verir ki, yeni trend halını almış tatu şəkli dişin özünə deyil, 3D çap edilmiş tacın səthinə tətbiq olunur.

Dəri döymələrindən fərqli olaraq, bu döymələr asanlıqla dəyişdirilir - sadəcə diş tacının yerini dəyişdirməklə.

Bəzi insanlar dişlərini dəbli olduğunu düşündüyü üçün deyil, sadəcə diş həkimləri təklif etdiyi üçün tatu ilə bəzəyir. Bir çox Çin klinikaları standart olanlar əvəzinə xüsusi hazırlanmış diş tacları təklif edir. Bəziləri hətta diş tacı alarkən pulsuz bonus kimi diş döymələrini reklam edirlər.

Bu cür döymələr üçün məşhur ideyalar arasında şəxsin baş hərfləri, şanslı nömrələr və ya "məqsədlərə çatmaq" və "pul qazanmaq" kimi uğur gətirən ifadələrdən istifadə edilir.

Çin sosial mediasında həvəsli rəylərə baxmayaraq, həkimlər bu təcrübəni tövsiyə etmirlər. Şanxaydakı bir diş həkimi bildirib ki, oyma diş tacını zəiflədə və ya zədələnməsini sürətləndirə bilər.

Bizim.Media