Qazaxıstanın cənub bölgəsində yerli vaxtla saat 09:23-də (Bakı vaxtı ilə 07:23) 3 maqnitudalı zəlzələ baş verib.
Bizim.Media xəbər verir ki, bu barədə Respublika Fövqəladə Hallar Nazirliyinin mətbuat xidməti məlumat yayıb.
Zəlzələnin episentri Almatı şəhərindən 673 km cənub-qərbdə, Tacikistan ərazisində yerləşib.
Zəlzələ nəticəsində Şımkent və Taraz şəhərlərində 3 bal, Türküstan şəhərində isə 2 bal gücündə yeraltı təkanlar hiss olunub. Ətraf yaşayış məntəqələrində də təkanlar 2-3 bal gücündə qeydə alınıb.
Qazaxıstan Fövqəladə Hallar Nazirliyinin məlumatına görə, zəlzələ nəticəsində xəsarət alanlar və dağıntılar barədə məlumat daxil olmayıb.
Bizim.Media
