Amerikalı rəsmilər Bakıya gəldi

ABŞ Dövlət katibinin köməkçisinin müavini Coşua Hak və Qafqaz danışıqları üzrə baş müşaviri Lui Bono Azərbaycanda səfərdədirlər. 

Bizim.Media xəbər verir ki, bu barədə ABŞ-ın Azərbaycandakı Səfirliyi sosial şəbəkə hesabında məlumat yayıb. 

Bildirilib ki, amerikalı rəsmilər həmkarları ilə yüksəksəviyyəli görüşlər keçirmək, səfir Mark Libbi və onun komanda üzvləri ilə məsləhətləşmələr aparmaq üçün bu gün Bakıya gəliblər: 

“Azərbaycan rəsmiləri ilə apardıqları müzakirələrdə Dövlət katibinin köməkçisinin müavini Hak və baş məsləhətçi Bono, Azərbaycan və Ermənistan arasında davamlı və ləyaqətli sülhə nail olmaq üçün növbəti addımları, ikitərəfli əlaqələrin möhkəmləndirilməsi və COP29-un uğurundan sonra iqlim məsələləri üzrə əməkdaşlığı müzakirə ediblər”. 

Bizim.Media