Ceyhun Bayramov: “Ermənistanın konstitusiyasında Azərbaycana qarşı ərazi iddiaları qalır”

“Azərbaycanla Ermənistan arasında sülh sazişinin mətni ilə bağlı kifayət qədər əhəmiyyətli proqres var. Açıq qalan məsələlərin sayı əhəmiyyətli dərəcədə azalıb”. 

Bizim.Media xəbər verir ki, bunu Tbilisidə səfərdə olan xarici işlər naziri Ceyhun Bayramov həmkarı İliya Darçiaşvili ilə birgə mətbuat konfransında deyib. 

Ceyhun Bayramov Ermənistan konstitusiyasında Azərbaycana qarşı ərazi iddialarının qaldığını qeyd edib: 

“Ermənistanın əsas qanununda - konstitusiyasında Azərbaycana qarşı ərazi iddiaları qalır. Bu, bizim tərəfimizdən prosesin başa çatdırılmasında ən ciddi əngəl kimi görünür”. 

Nazir əlavə edib ki, bu, Ermənistanın özü üçün də çox xoşagəlməz hal kimi qəbul edilməlidir: 
“Bu istiqamətdə müvafiq addımların atılmasını gözləyirik” 

Bizim.Media