Qriqori Karasin: “Seçkilər mükəmməl təşkil edilib”

“Biz səhər tezdən bir neçə seçki məntəqəsində olduq və insanların səs vermək əhval-ruhiyyəsinin necə olduğunu gördük. Mən seçicilərin gözündəki nikbinliyi və onların hansısa mücərrəd gücə və ya rəqəmə yox, gələcəkdə onlara, onların övladlarına, nəvələrinə sabit, buludsuz bir həyat bəxş edəcək prezidentə səs verdiklərinin təcəssümünü gördüm”. 

Bizim.Media xəbər verir ki, bu fikirləri Rusiya Federasiya Şurasının Beynəlxalq Əlaqələr Komitəsinin sədri, Federasiya Şurasının Azərbaycanda keçirilən prezident seçkilərini müşahidə missiyasının rəhbəri Qriqori Karasin “Moskva-Baku.ru”-ya müsahibəsində deyib. 

“Eyni zamanda, seçkilərin demək olar ki, mükəmməl təşkilini qeyd etmək istərdim. Seçkilər beynəlxalq müqavilələrə tam uyğun şəkildə təşkil edilib. Açığı heyran qaldıq.

Martda Rusiyada prezident seçkilərinin keçiriləcəyini nəzərə alaraq, Azərbaycandakı seçkilərin təşkilinin bəzi formalarından nümunə götürməyə çalışmalıyıq”.

Surxay Atakişiyev, Bizim.Media