“Səbail” özbəkistanlı futbolçunu transfer edəcək

Premyer Liqada qalmaq uğrunda mübarizə aparan “Səbail” məqsədinə çatacağı təqdirdə heyətini gücləndirəcək.  

Bizim.Media xəbər verir ki, paytaxt klubunun heyətinə cəlb etmək istədiyi futbolçulardan biri də Sərdar Sərdarovdur.  

Hətta komanda özbəkistanlı legioneri qışda transfer etmək istəyib. Amma sonda danışıqlar yarımçıq dayandırılıb. “Səbail” Premyer Liqadakı yerini qoruyub-saxlaya bilsə, 29 yaşlı futbolçunu yay təlim-məşq toplanışına cəlb ediləcək.  
“Anji”, “Ural”, “Krılya Sovetov”, “Slaviya”(Sofiya), “Yenisey”, “Krakoviya”, “İnter”(Zapreşiça), “Mezeköveşd”, “İstra”, “Aktobe”də oynamış Sərdarov qışda Özbəkistanın “Soqdiana” klubuna keçib. 

Rəşad Rafiqoğlu, Bizim.Media