Basketbol millimiz Ermənistanla bir qrupa düşdü - FOTO

Basketbol üzrə aşağı yaş qrupları üzrə milli komandalarımızın Avropa çempionatlarındakı rəqibləri məlum olub. 

Bizim.Media xəbər verir ki, 18-23 iyul tarixlərində Andorrada 16 yaşlı qızlar arasında Avropa çempionatının "C" divizionunun B qrupunda, Andorra, Moldova və Albaniya seçmələri ilə üz-üzə gələcəklər. 

19-27 iyul tarixlərində Kosovada 16 yaşlı oğlanlar arasında baş tutacaq Avropa çempionatının "C" divizionunda isə U-16 yığmamız B qrupunda, Albaniya, Kipr, Ermənistan və San Marino komandalarının rəqibi olacaq. 
29 iyul - 6 avqust tarixlərində Bakıda 18 yaşlı oğlanlar arasında baş tutacaq Avropa çempionatı "C" divizionunun A qrupunda, Malta, Kipr və Moldova komandaları U-18 yığmamızın rəqibləri olacaqlar.

Rəşad Rafiqoğlu, Bizim.Media