Argentina millisinin azarkeşləri penalti vurulan qapının torunu sökdülər - FOTO

Xəbər verdiyimiz ki, dünən, dekabrın 18-də Qətərdə dünya çempionatının final oyunu keçirilib və Argentina millisi Fransanı penaltilər seriyasında məğlub edib. Görüşün əsas vaxtı 2:2 hesabı ilə başa çatıb, əlavə vaxtda komandalar hərəyə bir qol vurub, qalib penaltilər seriyasında müəyyənləşib - 4:2.

Bizim.Media “championat.com” saytına istinadən xəbər verir ki, fransızlarla final oyunundan sonra Argentinanın futbolçuları və azarkeşləri dünya çempionatında qələbəni birlikdə qeyd ediblər.

Argentina komandasının azarkeşləri oyunsonrası seriyada penalti vurulan qapının torunu çıxarıblar.
Argentina millisi dünya çempionatının qrup mərhələsində Polşa, Meksika və Səudiyyə Ərəbistanı komandaları ilə üz-üzə gəlib. 

1/8 finalda Lionel Skaloninin komandası Avstraliyaya qalib gəlib - 2:1. 1/4 final görüşündə cənubi amerikalılar dramatik görüşdə penaltilərlə Niderlanddan güclü olub. Yarımfinal görüşündə Argentina Xorvatiyaya qalib gəlib - 3:0.

Bizim.Media