I Qarabağ Müharibəsi zamanı xəsarət almış, lakin sığorta ödənişini almamış hərbi qulluqçulara və onların varislərinə kompensasiya ödənişi gələn il davam etdiriləcək.
Bizim.Media xəbər verir ki, bu məsələ "2022-ci il dövlət büdcəsi zərfi haqqında” qanun layihəsində əksini tapıb.
Sənədə əsasən, gələn il bu məqsədlə büdcədən 67 milyon manat ayrılacaq.
Qeyd edək ki, bu məsələ illərdir müzakirə mövzusudur. I Qarabağ müharibəsi zamanı şəhid olmuş şəxslərin ailələri 11 min manatlıq sığorta ödənişi alsalar da, bu günə qədər I Qarabağ müharibəsi qazilərinə bu ödəniş verilməyib.
Daha əvvəl Qarabağ qazilərinə əlillik və xəsarət dərəcələrinə uyğun olaraq, 11 min manatlıq ödənişin müvafiq faizlərinin verilməsi nəzərdə tutulurdu.
Xatirə, Bizim.Media
