Azərbaycanda ötən ay geyimə 1 milyard manata yaxın pul xərclənib

2023-cü ilin yanvar-oktyabr aylarında Azərbaycanda pərakəndə ticarət məntəqələrində toxuculuq məhsulları, geyim və ayaqqabılara 6 milyard 448 milyon manat vəsait xərclənib.

Bizim.Media xəbər verir ki, bu barədə Dövlət Statistika Komitəsinin hesabatı əsasında aparılan hesablamalarda deyilir.

Mənbə qeyd edir ki, bu göstərici ötən ilin müvafiq dövrü ilə müqayisədə 13.6% və ya 772 milyon manat çoxdur.

Qeyd edək ki, cari ilin oktyabr ayında pərakəndə ticarət məntəqələrində toxuculuq məhsulları, geyim və ayaqqabılara xərclənən vəsaitin həcmi isə 965.1 milyon manata bərabər olub.

Xatırladaq ki, hesabat dövründə istehlakçıların pərakəndə ticarət şəbəkəsində xərclədiyi vəsaitin 14%-i toxuculuq məhsullarına, geyim və ayaqqabıların alınmasına sərf olunub.

Bizim.Media