Paşinyan bizlərə Murovdan aşağı baxdı… - Onu təcili ordan endirməsək!..-Fotolar

Xəbər verildiyi kimi, dünən –sentyabrın 18-də Ermənistan baş naziri Nikol Paşinyan gözlənilmədən Azərbaycanın işğal altındakı ərazilərinə soxulub. Erməni mənbələrinin verdiyi məlumata görə, o,xa0 Qarabağın şimalındakı erməni mövqelərinə baş çəkib. “Qarabağın şimalı” deyiləndə isə Kəlbəcər- Murov istiqaməti nəzərdə tutulur…xa0

Moderator.az Paşinyanın Azərbaycan dağlarındakı erməni postlarında çəkdirdiyi fotoları əldə edib. Fotoların birində işğalçı ölkə liderinin durbinlə Azərbaycan Silahlı Qüvvələrinin mövqelərini müşahidə etdiyi görünür. Yəqin ki, Paşinyan bununla demək istəyir ki,xa0 “Qarabağın ən hündür zirvələri Murov, Dəlidağ, Kirs və s. kimi strateji yüksəklikləri bizim əlimizdədir, yekə-yekə danşmayın, biz sizə yuxarıdan aşağı baxırıq…”

P.S. Biz Paşinyanı və digər yanları təcili Murovdan, Dəlidağdan, Kirsdən endirməsək, sabah Rusiya, Fransa, Amerika arxalarında durub dəstək verən kimi özləri o dağlardan üzü aşağı üstümüzə gələcəklər – Gəncəyə, Tərtərə, Bərdəyə, Yevlağa, Kürə, Bakıya sarı…xa0xa0

P.P. S. Qafqazı xristianlaşdırmaq, türksüzləşdirmək, müsəlmansızlaşdırmağı planlaşdıran Qərbin də, Şimalın da bu gün önündə duran bəlkə də yeganə maneə -Bakı-Tbilisi-Ceyhan boru xəttidir, qaz xətləridir… Neft-qaz qurtarınca Qarabağı azad etməsək, vay halımıza…