Politoloq Zərdüşt Əlizadə Moderator.az-a açıqlamasında Rusiyanın Xocalı soyqırımındakı məsuliyyət məsələsinə toxunub. Ekspertin sözlərinə görə, Xocalı qətliamına görə ən çox cavabdehlik məhz Rusiyanın üzərinə düşür:
“Rusiya Cənubi Qafqazda həlledici qüvvə idi və bu gün də həlledici qüvvə olaraq qalır. Xocalıda münaqişəni yerli agentlərin, ekspertlərin əli ilə başlayan, idarə edən, münaqişəni istədiyi şəklə salan, münaqişə vasitəsi ilə bölgəni idarə edən Rusiyanın bu məsələdə məsuliyyət payı var. Rusiya Xocalı soyqırımında 80% məsuliyyət daşıyır. 10% məsuliyyəti Rusiyadan asılı olan erməni faşistləri daşıyır. 10% məsuliyyəti isə hakimiyyət uğrunda mübarizə aparan fərsiz, xain Azərbaycan casuslarının üzərinə düşür.
Azərbaycan rəsmiləri Rusiyadan ehtiyat etdiyi üçün bu məsələdə Rusiyanın adını hallandıra bilmir. Ictimaiyyət isə şüurlu şəkildə, uzun müddət sürən təbliğat vasitəsi ilə tamamilə bişüur hala salınıb, aldadılıb. Artıq əksəriyyət həqiqəti anlamaqda sadəcə maraqlı deyil”x9d.
xa0
Seymur Əliyevxa0
