İsveçin Baş naziri Ulf Kristersson hakim koalisiyanın parlament seçkilərindəki məğlubiyyətindən sonra istefa verib.
Bizim.Media xəbər verir ki, bu barədə U.Kristerssonun "X" sosial şəbəkəsində parlamentin spikeri Andreas Norlenə ünvanladığı bəyanatda bildirib.
U.Kristerssonun sözlərinə görə, seçkilərin nəticələri növbəti hökumətin formalaşdırılması üçün mürəkkəb şərait yarada bilər, çünki səsvermə günündən əvvəl partiyaların müxtəlif bəyanatları hökumətin və koalisiyaların qurulmasının bütün mümkün variantları üçün maneəyə çevrilə bilər.
Seçkilərin ilkin nəticələrinə görə, sol mərkəzçi müxalifət ümumilikdə 176 mandat qazanıb. Hakim koalisiya partiyaları - Mötədil Koalisiya Partiyası, "İsveç Demokratları", Xristian-Demokrat Partiyası və Liberal Partiya - 173 mandat alıb.
Bununla belə, baş nazir və digər nazirlər yeni hökumət vəzifəsinin icrasına başlayana qədər öz səlahiyyətlərini qoruyub saxlayacaqlar.
Bizim.Media
